Cando As Illas se convertiron en Illas

   As mellores fotos da paixase non adoitan ser froito da casualidade. Normalmente, despois de varios intentos conseguimos a foto que tiñamos en mente. Para iso tentamos prever as condicións mais axeitadas co fin de lograr a imaxe que queremos. Por sorte, na internet existen moitos programas que nos axudan a saber o tempo que vai facer, o tipo nubes, a altura das ondas etc.
    Neste caso, a idea que tiña precisaba dunha marea alta e mais de certa altura das ondas, ademais de que o ceo acompañara. Pero cando cheguei decateime de que calculara mal a forza do mar: non podía achegarme as rochas e a praia desaparecera. Nestes casos hai que tratar de tirar proveito do que temos, e a falta dun primeiro plano, o que fixen foi xogar co movemento das ondas tentando trasmitir a sensanción de forza que tiña o mar ese día. Terei que voltar.