Translate

luns, 14 de agosto de 2017

sábado, 24 de xuño de 2017

Impresións de primavera

      O día que fixen estas fotos, a miña intención era captar as cores dos principios da primavera nun souto do Courel. Unha vez alí comencei  a tomar imaxes. Cando xa levaba feitas bastantes, comenzou a soprar algo de vento, e de súpeto ocorréuseme captar o movemento das ramas. Ao final, o que asi comenzara, rematou nun experimento, nada orixinal por certo, de abstracción. (Premer nas imaxes para ampliar)





mércores, 17 de maio de 2017

Primaveral

     De paseo polo campo e baixando os ollos ao chan, descubrimos pequenas marabillas privamerais.

 

venres, 17 de marzo de 2017

O inverno que remata

      Agora que está a piques de rematar o inverno, un inverno por certo ben seco e non moi frío, recupero unha imaxe que para mín ten un valor máis polo simbólico que polo espectacular do lugar. É un deses momentos de sorte no que acertas a estar. O lugar xa o tiña escollido e préstase para imaxes moi diferentes. Neste caso concreto, o contraste paréceume moi acaído para estes días nos que xa se  albisca a primavera.

 (Premer para ampliar a imaxe)

venres, 27 de xaneiro de 2017

Recantos privados

      Nestes tempos nos que a internet permítenos viaxar por todo o mundo nun clic,  é doado atopar fotos de calquera sitio por mais recóndito que nos pareza. Algúns lugares son xa tan coñecidos e visitados que se poden ver en moreas de imaxes e nalgúns casos centos de fotógrafos repiten a mesma imaxe con mellor ou  peor acerto, chegando a causar certo cansazo. 
      Atopar un lugar interesante é que non teñamos visto  noutras imaxes e unha pequena satisfacción aínda que para iso teñamos que dar moitas voltas e as veces arriscar un tanto no acceso. Este é un  deses lugares  aos que adoito ir de cando en vez, tratando de conseguir a imaxe  que teño na mente sin repetir outras fotografías xa moi vistas. 
 (Premer nas imaxes para ampliar)


 

sábado, 17 de decembro de 2016

Despedindo o Outono

       Aproveitando a nevarada que caera uns días antes, tratei de captar as últimas cores do outono no val do rio Pequeno, contrastando co branco dos cumios da serra. Non é un espectaculo do que se poida gozar a miúdo, se ademais coincide cun ceo e unhas luces interesantes e unha desas ocasións que non se deben deixar pasar. 







domingo, 4 de decembro de 2016

Pola Beira do Sil

      Unha pequena camiñada pola zona de Amandi no outono, para gozar das cores rechamantes das vides nestas datas, e apreciar o duro traballo para quitar proveito delas nestas abas abruptas. (Premer para aumentar as imaxes)