Translate

sábado, 19 de maio de 2018

fervenzas do Cambás

      Hai un tempo fixen unha entrada con este título. Entón só subira imaxes da fervenza máis grande. Aproveitando a miña última visita ao lugar traio imaxes de tódolos saltos (algún máis hai, pero non é moi interesante). A última imaxe é da fervenza do Castro do Rodicio noutro rego distinto, que se xunta ao anterior un pouquiño máis abaixo. 
 (Premer para ampliar)









domingo, 25 de marzo de 2018

Fervenza de Teixedelo

    Esta é unha das poucas fervenzas que coñezo en Galicia que caen directamente ao mar. No fondo dos cantís da  Capelada baixo a aldea de Teixedelo, agochado nun recanto esgrevio, verte este regato ao que as chuvias do inverno volvéronlle dar  "folgos" para formar este cadoiro, máis fermoso aínda polo salvaxe do mar onde verte.
(Premer para ampliar)


 

mércores, 21 de febreiro de 2018

sábado, 27 de xaneiro de 2018

Temporal na Frouxeira

     Había ben tempo que non tiña ocasión de ir ver un temporal no mar. Nesta ocasión aproveitei para visitar uns dos meus lugares favoritos, e de moita xente( había máis camaras que nunha tenda de fotografía). E coma sempre non me defraudou. 
     O máis problemático nesta imaxe e acertar con balance de brancos, supoño que terei que mellorar o procesado por zonas deste axuste. 
  


venres, 8 de decembro de 2017

Santiorxo

     Esta é unha das vistas sobre o canón do Sil que máis me gusta. Esperei estas datas para aproveitar que o sol se pon nesa dirección, e a ter un pouco de sorte coa climatoloxía. 
     Quizáis o maior problema nestas imaxes de luz tan complicada, sexa que a fotografía se pareza ao que vemos, e se non é así polo menos que sexa crible, ou non... Iso xa é cousa de cada cal.
(Premer na imaxe para ampliar)

domingo, 24 de setembro de 2017

O percebe

     As veces, por mais que se trate de prever as condicións ideais para facer unha fotografía, o azar acaba por ser a parte mais importante do resultado final. Neste caso, nin a forza do mar, nin a altura da marea coincidiron exactamente co que eu esperaba. Por sorte, por un intre, as nubes deron en coller unha forma que para o meu gusto complementaba o resto de elementos da composición.




                                               (Premer na imaxe par ampliar)